വിഷമഘട്ടങ്ങളിൽ നിയോഗം പോലെ എത്തുന്ന ചില സഹായങ്ങൾ വെറും നന്ദി വാക്ക് കൊണ്ട് തീരില്ല. കുന്ദമംഗലം പന്തീർപ്പാടം പൂനൂർ പുഴയിൽ പതിനൊന്നു ദിവസമായി റുക്കിയ (54) എന്നവരെ കാണാതായിട്ട്, നാട്ടുകാരും പോലീസും ഫയർഫോഴ്സും എല്ലാവിധത്തിലും അന്വേഷണം നടത്തിയിട്ടും കണ്ടെത്താനായിരുന്നില്ല. കഴിഞ്ഞ ദിവസം ആക്ഷൻ കമ്മറ്റി രൂപീകരിക്കുകയും അന്വേഷണം കൂടുതൽ ഊർജിതമാക്കാൻ തീരുമാനിക്കുകയും ചെയ്തിരുന്നു. അവിചാരിതമായാണ് ഐ.ആർ.ഡബ്ല്യു ടീമിന്റെ ലീഡേഴ്സ് & വളണ്ടിയേഴ്സ് ബന്ധപ്പെടുകയും അന്വേഷണത്തിനായി മൂന്നു ബോട്ടുകളും മുഴുവൻ ഫോഴ്സും ഉപയോഗപ്പെടുത്തി. രാവിലെ 7 മണിക്ക് പുനൂർ പുഴയിൽ തിരച്ചിൽ ആരംഭിച്ചു. ഏതാണ്ട് 10 മണിയോടെ പാറക്കടവ് പാലത്തിനോട് അടുത്തുള്ള കടവിൽ വച്ചു സഹോദരിയുടെ മൃതദേഹം കണ്ടെത്തി. തുടർന്ന് പോലീസിന് ഇൻക്വസ്റ്റ് നടപടികൾക്കായുള്ള പ്രവർത്തനങ്ങൾക്കും പോസ്റ്റ്മോട്ടം കഴിഞ്ഞ് അടക്കംവരെയുള്ള കാര്യങ്ങൾ സ്തുത്യർഹമായ സേവനം ചെയ്തിട്ടുള്ള ഐ.ആർ.ഡബ്ല്യു വളണ്ടിയേഴ്സിനോട് എന്റെയും വാർഡിന്റെയും നന്ദിയും കടപ്പാടും അറിയിക്കുന്നു… പരേതയ്ക്ക് പരലോക സൗഖ്യം ഉണ്ടാവട്ടെ എന്ന് പ്രാത്ഥിച്ചുകൊണ്ട്… ഫാത്തിമ ജസ്ലിൻ, വാർഡ് മെമ്പർ, കുന്ദമംഗലം ഗ്രാമപഞ്ചായത്ത്.
Menu
